Harry’s Bar i Venecias është për më shumë se 90 vjet një nga vendet më të famshme në botë dhe një institucion për qytetin e Venecias. Një vend takimi për shkrimtarë, artistë, aktorë, princa dhe fisnike, i njohur për pjatat e tij legjendare dhe atmosferën e pakrahasueshme, gjithmonë i imituar, por gjithsesi i paimitueshëm.

Arrigo Cipriani, djali i Giuseppe Sr., është një nga italianët më të njohur në botë; ai nuk është vetëm drejtuesi i Harry’s Bar në Venecia, por një ambasador i vërtetë i mikpritjes italiane në të katër anët e globit, me 30 aktivitete të hapura gjatë shtatëdhjetë viteve të punës (së bashku me të birin Giuseppe) dhe me mbi 3000 bashkëpunëtorë.

Stili Cipriani, që sot përfaqëson brezin e katërt, është bërë një filozofi e vërtetë familjare dhe gjithmonë i shërben klientit me dashuri dhe përkushtim; në filozofinë e Cipriani, klienti është në qendër, që do të thotë ta trajtosh si mysafir e jo si një turist të thjeshtë.

Stili Cipriani njihet në mbarë botën sepse të gjitha ambientet e hapura pas Harry’s Bar mbeten besnike ndaj restorantit venecian, së pari në arredim, i projektuar dhe dëshiruar nga Giuseppe Cipriani, por mbi të gjitha në mënyrën e pritjes dhe shërbimit ndaj klientit, duke e bërë gjithmonë të ndihet si në shtëpinë e tij. Ky modus operandi është një shenjë dalluese unikale që e bën çdo ambient Cipriani të paimitueshëm në botë.